চাৰিটা জ’নত ডিচেম্বৰৰ ভিতৰত স্থাপন হ’ব ৰাডাৰ!

বুধবাৰে বিধানসভাৰ মজিয়াত জলবায়ু পৰিৱৰ্তন সন্দৰ্ভত গুৰুত্বপূৰ্ণ আলোচনা হয়। বিৰোধী দলপতি দেৱব্ৰত শইকীয়াই উত্থাপন কৰিছিল জলবায়ু পৰিৱৰ্তন সন্দৰ্ভত বিশেষ বিষয়। ‘জলবায়ু পৰিৱৰ্তনে কেনেদৰে কৃষি ক্ষেত্ৰলৈ প্ৰত্যাহ্বান আনিছে’ এই বিষয়ত দেৱব্ৰত শইকীয়াই শংকা ব্যক্ত কৰাৰ লগতে এই সন্দৰ্ভত বিভাগৰ কি ব্যৱস্থা আছে প্ৰশ্ন কৰিছিল। এই সন্দৰ্ভত বিভাগীয় মন্ত্ৰী কেশৱ মহন্তৰ উদ্বেগজনক উত্তৰ। জলবায়ুৰ পৰিৱৰ্তনে ব্যাপক প্ৰভাৱ পেলাইছে প্ৰকৃতিৰ লগতে কৃষি খণ্ডত। সদনত মন্ত্ৰী কেশৱ মহন্তই দিয়া উদ্বেগজনক তথ্যটো হ’ল, ‘অসমত বৰ্তমান ১.১ ডিগ্ৰী চেলচিয়াচলৈ বৃদ্ধি হৈছে তাপমাত্ৰা।’ কৃষি কাৰ্যত জলবায়ু পৰিৱৰ্তনৰ প্ৰভাৱ ভয়ংকৰ ভাৱে পৰিছে। বাৰিষা বৰষুণ নোহোৱাৰ লগতে, যেতিয়া কৃষি কাৰ্যত ৰ’দৰ প্ৰয়োজন সেই সময়ত ৰ’দ নাপায় কৃষি পথাৰত। চাহ খেতিত অধিক ক্ষতি কৰিছে জলবায়ু পৰিৱৰ্তনে। বানৰ ক্ষেত্ৰতো প্ৰভাৱ পেলাইছে জলবায়ু পৰিৱৰ্তনে। এইদৰে উদ্বেগজনক তথ্য দাঙি ধৰে মন্ত্ৰী কেশৱ মহন্তই।

কৃষিৰ ক্ষেত্ৰত আগতীয়া জাননী পাবলৈ বিভাগে বিশেষ পদক্ষেপ গ্ৰহণ কৰা বুলি উল্লেখ মন্ত্ৰী মহন্তৰ। ইয়াৰ বাবে ৰাজ্যত ৰিটা মণ্ডলত ভাগ কৰা হৈছে যোৰহাট, তেজপুৰ, গোসাঁইগাঁও, শিলচৰক। এই চাৰিটা জ’নত ডিচেম্বৰৰ ভিতৰত ৰাডাৰ স্থাপন হ’ব বুলি ঘোষনা কেশৱ মহন্তৰ। ইয়াৰ জৰিয়তে, কৃষক সকলে বতৰৰ আগজাননী পাব বুলি উল্লেখ কৰে বিভাগীয় মন্ত্ৰীজনে।