২৩, ২৯ এপ্ৰিল আৰু ৪ মে’ত ড্ৰাই ডে’ ঘোষণা
সুৰা বিক্ৰী, বিতৰণ আৰু সেৱনত নিষেধাজ্ঞা কিয়?
১। তামিলনাডু আৰু পশ্চিম বংগৰ (প্ৰথম পৰ্যায়) নিৰ্বাচন ২০২৬ চনৰ ২৩ এপ্ৰিল (বৃহস্পতিবাৰ) আৰু পশ্চিম বংগৰ (দ্বিতীয় পৰ্যায়) নিৰ্বাচন ২৯ এপ্ৰিল (বুধবাৰ)ত অনুষ্ঠিত হ’ব। নিৰ্বাচন অনুষ্ঠিত হোৱা সকলো ৰাজ্য আৰু কেন্দ্ৰীয় শাসিত অঞ্চলৰ ভোটগণনা ২০২৬ চনৰ ৪ মে’ (সোমবাৰ) তাৰিখে সম্পন্ন হ’ব।
২। জন প্ৰতিনিধিত্ব আইন, ১৯৫১-ৰ ধাৰা ১৩৫ চি অনুসৰি, কোনো নিৰ্বাচনী এলেকাত ভোটদান সমাপ্ত হোৱাৰ বাবে নিৰ্ধাৰিত সময়ৰ ৪৮ ঘণ্টা আগৰ পৰা সেই এলেকাৰ কোনো হোটেল, ভোজনালয়, সুৰাঘৰ, দোকান বা আন কোনো ৰাজহুৱা বা ব্যক্তিগত স্থানত কোনো ধৰণৰ নিচাজাতীয় দ্ৰব্য বা সুৰা বিক্ৰী, বিতৰণ বা যোগান ধৰিব নোৱাৰিব।
৩। ওপৰোক্ত বিধিসন্মত ব্যৱস্থাৰ প্ৰতি লক্ষ্য ৰাখি, বিধানসভা নিৰ্বাচন অনুষ্ঠিত হ’বলগীয়া সংশ্লিষ্ট ভোটগ্ৰহণ কেন্দ্ৰসমূহত ভোটদান সমাপ্ত হোৱাৰ ৪৮ ঘণ্টা আগৰ পৰা ‘ড্ৰাই-ডে’ ঘোষণা কৰা হ’ব। যদি কোনো স্থানত পুনৰ ভোটদান হয়, তেন্তে সেই দিনটোও ‘ড্ৰাই-ডে’ হ’ব।
৪। আয়োগে লগতে নিৰ্দেশ দিছে যে ভোটগণনাৰ দিনা অৰ্থাৎ ৪ মে’, ২০২৬ (সোমবাৰ) তাৰিখেও নিৰ্বাচন অনুষ্ঠিত হোৱা ৰাজ্য/কেন্দ্ৰীয় শাসিত অঞ্চলসমূহত সংশ্লিষ্ট আইনৰ অধীনত ‘ড্ৰাই-ডে’ হিচাপে ঘোষণা কৰা হ’ব।
৫। উল্লেখিত দিনকেইটাত কোনো সুৰাৰ দোকান, হোটেল, ৰেস্তোৰাঁ, ক্লাব বা সুৰা বিক্ৰী কৰা অন্য কোনো প্ৰতিষ্ঠানক সুৰা বিক্ৰী বা পৰিৱেশন কৰাৰ অনুমতি দিয়া নহ’ব।
৬। অনুজ্ঞাপত্ৰপ্ৰাপ্ত ক্লাব, তাৰকাযুক্ত হোটেল, ৰেস্তোৰাঁ আৰু সুৰা মজুত ৰখা বা যোগান ধৰাৰ অনুজ্ঞাপত্ৰ থকা হোটেলসমূহকো এই দিনকেইটাত সুৰা পৰিৱেশনৰ অনুমতি দিয়া নহ’ব।
- ৭। উক্ত সময়ছোৱাত ব্যক্তিগতভাৱে সুৰা মজুত কৰা কাৰ্য সীমিত কৰা হ’ব আৰু অনুজ্ঞাপত্ৰ বিহীন স্থানত সুৰা মজুত কৰাৰ বিৰুদ্ধে থকা আবকাৰী আইনসমূহ কঠোৰভাৱে বলৱৎ কৰা হ’ব।
