উঁই পোকৰ দৰে আমাৰ মাজত গীৰ্জা পাতিছে!

দেশত সনাতনী হিন্দু সভ্যতাৰ ওপৰত অগ্ৰাসন চলিছে। হিন্দুত্বক সুৰক্ষা দিবলৈ গঠন হৈছে হিন্দু ৰাষ্ট্ৰ ফ্ৰণ্ট। ভাৰতত হিন্দু ৰাষ্ট্ৰ দাবীৰে গঠন হৈছে এই হিন্দু ৰাষ্ট্ৰ ফ্ৰণ্ট। শণিবাৰে আছিল হিন্দু ৰাষ্ট্ৰ ফ্ৰণ্টৰ প্ৰথমখন ৰাজহুৱা সভা। এই সভাত সনাতন ধৰ্ম-সংস্কৃতি কেনেদৰে বিপন্ন হৈছে সেই সন্দৰ্ভত আলোচনা কৰা হয়। নিজৰ ভাষণ আৰম্ভ কৰি সত্ৰাধিকাৰ জনাৰ্দ্দন দেৱ গোস্বামীয়ে উল্লেখ কৰে, এফালে যদি মুছলমানৰ আগ্ৰাসন আনফালে খ্ৰীষ্টানৰ। নামনিত মুছলমানে, উজনিত খ্ৰীষ্টানে ধৰ্ম জেহাদ কৰিছে। এনে সময়ত আমাৰ কাম হ’ল, হিন্দুৰ সুৰক্ষাৰ বাবে থকা সকলো সংগঠনক এক কৰা। ৰাষ্ট্ৰীয় হিন্দু ফ্ৰণ্টে সকলোৰে সৈতে একেলগে যুঁজ দিব লাগিব। দক্ষিণপাট সত্ৰৰ সত্ৰাধিকাৰ গৰাকীয়ে উদ্বিগ্নতাৰে উল্লেখ কৰে এই কথা। তেওঁ ভাষণত উল্লেখ কৰে আন এক ভয়ংকৰ তথ্য, ‘উজনিত ধৰ্ম জেহাদীয়ে আমাৰ ধৰ্ম গ্ৰন্থক অস্ত্ৰ হিচাপে ব্যৱহাৰ কৰিছে, উঁই পোকৰ দৰে আমাৰ মাজত গীৰ্জা পাতিছে। আমাৰ ঈশ্বৰ কৃষ্ণৰ ঠাইত যীশু লগাই ধৰ্ম জেহাদ কৰিছে। শদিয়াত গোৰ্খাসকলক খ্ৰীষ্টান কৰিছে , গোৰ্খাৰ দৰে হিন্দুত্ববাদী সম্প্ৰদায়ো সাৰি যোৱা নাই,
মাজুলীত বৃদ্ধি পাইছে গীৰ্জাৰ সংখ্যা।’ আনহাতে, ৰাষ্ট্ৰীয় হিন্দু ফ্ৰণ্ট, অসমৰ অধক্ষ্য, বলেন বৈশ্যৰ মন্তব্য, খ্ৰীষ্টান মুচলমাতকৈ অধিক ভয়ংৰ বামপন্থী সকল। বামপন্থীৰ নেতৃত্বত চীনে ভয়ংৰ ভাৱে অগ্ৰাসন চলাইছে অসম উত্তৰ পূৱত। চিকেন নেক কাটি অসম উত্তৰ পূৱক চীনে ল’ব বিচাৰিছে। চীনে অসম উত্তৰ পূৱ দখল কৰিলে কি মুছলমান, কি খ্ৰীষ্টান, কি হিন্দু কোনেও নিজৰ ধৰ্ম পালন কৰিব নোৱাৰিব। বামপন্থী সকল কোনোবা জাতীয় সংগঠনৰ নেতা, কোনোবা চিন্তাবিদৰ ৰূপত আছে  অসমত।