Team দিলীপ শইকীয়াত কোন কোন থাকিব!!
বিজেপিত এতিয়া নতুন সমিতিৰ গঠনৰ চৰ্চা হৈছে। বহু নতুন নাম অন্তৰ্ভুক্ত হ’ব Team দিলীপ শইকীয়াত। পিছে, দিলীপ শইকীয়াৰ Team ত কোন কোন থাকিব? পূৰ্বৰ ভবেশ কলিতাৰ সমিতিৰ পৰা কাৰ নাম বাদ পৰিব! ইয়াকে লৈ চৰ্চা আৰম্ভ হৈছে বিজেপিৰে ভিতৰ চৰাত। ভবেশ কলিতাৰ Team ত থকা বহুতৰে নাম কটা যাব বুলিও ইতিমধ্যে চৰ্চা হৈছে। উপ-সভাপতি হিচাপে ভবেশ কলিতাৰ Team ত আছিল ৰাজদ্বীপ ৰয়, তপন কুমাৰ গগৈ, ৰেখাৰাণী দাস বড়ো, বিজুলী কলিতা মেধি, নৱ কুমাৰ দলে, অশোক ভট্টৰায়, জয়ন্ত কুমাৰ দাস, অজয় কোঁৱৰ, ৰাণা গোস্বামী। ইয়াৰ মাজৰ পৰাই তপন কুমাৰ গগৈ, অশোক ভট্টৰায়, ৰাণা গোস্বামীৰ নাম বাদ পৰাৰ সম্ভাৱনা ব্যক্ত কৰিছে বিজেপিৰে একাংশই। আনহাতে, সাধাৰণ সম্পাদক হিছাপে থকা পল্লৱলোচন দাস, পুলক গোহাঁই, দিপ্লুৰঞ্জন শৰ্মাৰো, যিকোনো এজনৰ নাম কটা যোৱাৰ সম্ভাৱনা আছে। পুলক গোহাঁই, পল্লৱ লোচন দাসৰ নিৰ্বাচন খেলাৰ মন। গতিকে সাধাৰণ সম্পাদকৰ তালিকাত পুলক গোহাঁই, পল্লৱ লোচন দাসৰ ঠাইত নতুন নাম অন্তৰ্ভুক্ত হোৱাৰ পূৰ্ণ সম্ভাৱনা আছে। ইফালে বৰ্তমানৰ সম্পাদকৰ পৰাও কেইবাটাও নাম কটা যোৱাৰ সম্ভাৱনা আছে। মৰ্চা সমূহৰ নিষ্ক্ৰিয় সভাপতি, সম্পাদকৰ নামো বাদ পৰিব এইবাৰৰ সমিতিৰ পৰা। আনহাতে, সংবাদ বিভাগৰো আহ্বায়ক পদৰ বাহিৰে বহুজনৰ নাম সলনি হ’ব পাৰে। মুঠতে, সাংগঠনিক সাধাৰণ সম্পাদক জি ৰবীন্দ্ৰ ৰাজুৰ বাহিৰে পুৰনি সমিতিৰ বহুতৰে নাম বাদ পৰালৈ চাই, এইবাৰৰ সমিতিত বহু পুৰণি তথা জ্যেষ্ঠ বিজেপি কাৰ্যকৰ্তাৰ নাম অন্তৰ্ভুক্ত হোৱাৰ সম্ভাৱনা আছে বুলি চৰ্চা হৈছে বাজপেয়ী ভৱনত।