SIR ত কি কি প্ৰমাণপত্ৰ বাধ্যতামূলক!!

চলিত মাহৰ পৰাই আৰম্ভ হৈছে ভোটাৰ বিশেষ নিবিড় পুনৰীক্ষণৰ কাম। অৰ্থাত Special intensive revision ৰ কাম। ইয়াৰ ফলত ভোটাৰ তালিকাৰ বিশেষ পুনৰীক্ষণ কঠোৰ ভাৱে পুনৰীক্ষণ কৰিব নিৰ্বাচনী বিষয়াই। পৰীক্ষণৰ বাবে ভোটাৰে কি কি নথিপত্ৰ দিব লাগিব নিৰ্বাচনী বিষয়াক? হাৰাশাস্তিৰ সন্মুখীন হ’ব নেকি গঞা ৰাইজ? SIR ৰ কাম আৰম্ভ হোৱাৰ সময়তে এই প্ৰশ্নও উত্থাপন হৈছে। কিয়নো, অসমৰ খিলঞ্জীয়া লোক সচেতন নহয় নথিপত্ৰকলৈ। সেইবাবে NRC ৰ সময়তো সমস্যাৰ সৃষ্টি হৈছিল খিলঞ্জীয়াৰ ক্ষেত্ৰত। কিন্তু, SIR অৰ্থাৎ, Special intensive revision ৰ ক্ষেত্ৰত অসমৰ ভোটাৰে দিব লাগিব প্ৰমাণপত্ৰ। ভোটাৰ তালিকা পুনৰীক্ষণৰ বাবে ভোটাৰৰ ঘৰে ঘৰে যাবলৈ নিয়োগ কৰা হৈছে বিষয়া। নিয়োজিত বিষয়াই প্ৰতি ঘৰে ঘৰে গৈ প্ৰতিজন ভোটাৰক দিব একোখনকৈ ফৰ্ম। ফৰ্মখন ফিলাপ কৰি পুনৰীক্ষণৰ বাবে বিষয়াৰ হাতত জমা দিব লাগিব ভোটাৰে। জমা দিয়া ফৰ্মখনৰ এটা কপি প্ৰমাণৰ বাবে ৰাখিব লাগিব নিজৰ হাতত। যিকোনো কাৰণত ফৰ্মখন জমা নিদিলে ভোটাৰ তালিকাৰ পৰা কৰ্তন হ’ব নাম। ফৰ্ম ফিলাপৰ সময়ত জমা দিবলৈ নথিপত্ৰ লাগিব
১৯৮৭ চনৰ জুলাইৰ পূৰ্বে জন্মগ্ৰহণ কৰা ভোটাৰে দিব নিজৰ যিকোনো পৰিচয় পত্ৰ, দিব লাগিব ২০০৫ চনত নিজৰ নাম থকা ভোটাৰ তালিকাৰ প্ৰমাণ। আনহাতে, ১৯৮৭ চনৰ জুলাইৰ পৰা ২০০২ চনৰ ডিচেম্বৰৰ ভিতৰত জন্মগ্ৰহণ কৰা ভোটাৰে দিব লাগিব নিজৰ যিকোনো পৰিচয় পত্ৰ, জন্মৰ প্ৰমাণপত্ৰ, পিতৃ বা মাতৃৰ পৰিচয় পত্ৰ। নিজৰ অথবা পিতৃ-মাতৃৰ নাম থকা ২০০৫ চনৰ ভোটাৰ তালিকাৰ প্ৰমাণ। আনহাতে, ২০০২ ৰ পিছত জন্মগ্ৰহণ কৰা ভোটাৰেও দিব লাগিব নিজৰ পৰিচয় পত্ৰ, জন্মৰ প্ৰ-পত্ৰ, পিতৃ-মাতৃৰ উভয়ৰে পৰিচয় পত্ৰ আৰু পিতৃ-মাতৃৰ নাম থকা ২০০৫ চনৰ ভোটাৰ তালিকা। মুঠতে এইবাৰ পৰিচয় পত্ৰ অবিহনে ভোটাৰ তালিকাত নাম অন্তৰ্ভুক্ত কৰিব নোৱাৰিব ভোটাৰে। SIR ৰ জৰিয়তে কঠোৰভাৱে পুনৰীক্ষণ কৰা হ’ব ভোটাৰ তালিকা। অৱশ্যে SIR ৰ বাবে নিয়োজিত বিষয়া হ’ব লাগিব সৎ আৰু অসমৰ বাবে দায়বদ্ধ। অন্যথা পূৰ্বৰ দৰেই বিসংগতিপূৰ্ণ ভোটাৰ তালিকা প্ৰকাশ হোৱাৰ সম্ভাৱনাই অধিক বুলি একাংশই মত পোষণ কৰিছে।