Diplomatic BJP

BTC নিৰ্বাচনক লৈ বাজপেয়ী ভৱনত ঘনে ঘনে বহিছে বৈঠক। BTC নিৰ্বাচন অকলেই খেলিব বিজেপিয়ে। BTC ৰ ৫ জিলাৰ বাবে দ্বায়িত্ব দিয়া হৈছিল ৫ মন্ত্ৰীক। BTC ত দ্বায়িত্ব প্ৰাপ্ত ৫ মন্ত্ৰীয়ে দাখিল কৰিলে সমষ্টি ভিত্তিক প্ৰতিবেদন। ৫ মন্ত্ৰীৰ প্ৰতিবেদনৰ ভিত্তিত নেতৃত্বৰ সিদ্ধান্ত, ৩০ আসনত প্ৰতিদ্বন্দ্বিতা কৰিব বিজেপিয়ে। মঙলবাৰে বাজপেয়ী ভৱনত অনুষ্ঠিত হৈছিল বৈঠক। BTC নিৰ্বাচন কেন্দ্ৰিক এই বৈঠকত দ্বায়িত্ব প্ৰাপ্ত ৫ মন্ত্ৰীয়ে দাখিল কৰে প্ৰতিবেদন। ইতিপূৰ্বে বিজেপিয়ে ২৬ আসনতহে প্ৰতিদ্বন্দিতা কৰিব বুলি সংবাদ মাধ্যমক অৱগত কৰিছিল। কিন্তু ৫ মন্ত্ৰীৰ প্ৰতিবেদনে বিজেপিৰ শক্তি বঢ়ালে। যাৰ বাবে BTC ত বিজেপিৰ আসনৰ সংখ্যা বাঢ়িল।

অৱশ্যে, বিজেপিয়ে BTC নিৰ্বাচনত Diplomatic সিদ্ধান্ত গ্ৰহণ কৰিছে। বিজেপিয়ে সংঘাত এৰাই চলিব বড়ো ৰাজনৈতিক দলৰে। বড়ো সকলক ৰাজনৈতিক, সামাজিক সকলো অধিকাৰ প্ৰদান কৰি, অনাবড়ো সকলক সুৰক্ষিত কৰি আগবাঢ়িব বিজেপি। ঠিক সেইদৰে নিৰ্বাচনতো কোনো বড়ো ৰাজনৈতিক দলৰে মনোমালিন্য নকৰে বিজেপিয়ে। মঙলবাৰে বাজপেয়ী ভৱনত অনুষ্ঠিত বৈঠকৰ অন্তত মুখ্যমন্ত্ৰীয়ে জনালে এই কথা।ইতিপূৰ্বে মুখ্যমন্ত্ৰীয়ে ঘোষণা কৰিছিল- হাগ্ৰামা মহিলাৰী-প্ৰমোদ বড়োৰ বিৰুদ্ধে প্ৰাৰ্থী নিদিয়ে বিজেপিয়ে। এই সিদ্ধান্তৰ হোৱা নাই সাল-সলনি । ইয়াৰ কাৰণো ক’লে মুখ্যমন্ত্ৰীয়ে – হাগ্ৰামাৰ BPF এ ৰাজ্যসভাত বিজেপিক দিব সমৰ্থন। আনহাতে, UPPL ৰে মিত্ৰতা আছে বিজেপিৰ। সেয়ে BTCৰ নিৰ্বাচনত এককভাবে অৱতীৰ্ণ হ’লেও, প্ৰমোদ বড়োৰ বিৰুদ্ধে প্ৰাৰ্থী প্ৰক্ষেপ নকৰে বিজেপিয়ে।

মুখ্যমন্ত্ৰীয়ে আৰু ক’লে- BTC ত প্ৰভাৱ নাই অঞ্জলি দৈমাৰীৰ দলৰ! UPPL, BPF ৰ বাহিৰেও এটা নতুন ৰাজনৈতিক দলৰ আত্মপ্ৰকাশ ঘটিছে BTC ত। নতুন দলটোৰ নেতৃত্বত আছে অঞ্জলি দৈমাৰী। তেনেক্ষেত্ৰতে মুখ্যমন্ত্ৰীৰ এই মন্তব্য। লগতে মুখ্যমন্ত্ৰীয়ে কয় যে, অঞ্জলি দৈমাৰীৰে ব্যক্তিগত ভাৱে ভাল সম্পৰ্ক মুখ্যমন্ত্ৰী আৰু সভাপতি দিলীপ শইকীয়াৰ।

মুঠতে, কোনো বড়ো ৰাজনৈতিক দলৰে সংঘাতলৈ নাহি বি টি চিত প্ৰতিদ্বন্দ্বিতা আগবঢ়াব বিজেপিয়ে। এক কথাত BTCৰ নিৰ্বাচনক লৈ বিজেপিয়ে গ্ৰহণ কৰিছে বিশেষ কৌশল।