হিন্দুত্বৰ ট্ৰাম্প কাৰ্ড লৈ পুনৰ ট্ৰেকত বিজেপি!

লোকসভাৰ সময়ত চেকুলাৰ হ’বলৈ চেষ্টা কৰিছিল বিজেপিয়ে। কিন্তু লোকসভাত সংখ্যালঘুৰ ভোট নাপালে বিজেপিয়ে। সেইবাবেই যেন পুনৰ ট্ৰেকত ভৰি থবলৈ ওলাইছে বিজেপিয়ে। ২২ জুনত বাজপেয়ী ভৱনত অনুষ্ঠিত সম্বৰ্ধনা সভাত মুখ্যমন্ত্ৰীয়ে প্ৰদান কৰা ভাষনত সেই কথা প্ৰকাশ পাইছে। হিন্দু সমাজ, অসমীয়া সমাজৰ হৈ থিয় হোৱাৰ পাছতো লোকসভাত ১০০ ৰ ভিতৰত ১০০ ভোট বিজেপিয়ে পোৱা নাই বুলি ভাষনত মন্তব্য কৰিছিল মুখ্যমন্ত্ৰীয়ে। মুখ্যমন্ত্ৰীৰ এই ভাষনে যেন বহু কথাৰে ইংগিত বহন কৰিছে। ইয়াৰ লগতে আন এটি বিষয়, লোকসভাত বিজেপিক সমৰ্থন আগবঢ়াইছিল জামাত ই উলেমাই হিন্দে। কিন্তু জামাতে ই উলেমা হিন্দে কোনো সহায় কৰিব নোৱাৰিলে বিজেপিক। সংখ্যালঘুৰ সমুদায় ভোট লাভ কৰিলে কংগ্ৰেছে! এই জামাত ই উলেমাৰ নেতৃত্বই ২২ জুনত বিজেপিৰ সভাপতি ভবেশ কলিতাক সাখ্যাতৰ বাবে বাজপেয়ী ভৱনত উপস্থিত হয় যদিও সাখ্যাত দিয়াৰ পৰা বিৰত থাকিল ভবেশ কলিতা। কাৰণ লোকসভাৰ সময়ত বিজেপিয়ে আদৰ্শৰ বাহিৰলৈ যোৱা বুলি দলৰ মাজতেই সমালোচিতও হৈছিল। RSS ও বেয়া পাইছিল বিজেপিক! সেইবাবেই হয়তো পুনৰ নিজৰ ট্ৰেকত বিজেপি।