ভাৰত বিৰোধী চক্ৰৰ ওপৰত NSA জাপি দিয়া হ’ব:

পহলগামত পাকিস্তানৰ সন্ত্ৰাসবাদীয়ে নৰসংহাৰ চলোৱাৰ পিছতে অসমত একাংশ লোকক ভাৰত বিৰোধী মন্তব্য কৰা দেখিবলৈ পোৱা গৈছে। আনকি AIUDF ৰ ধিঙৰ বিধায়ক আমিনুল ইছলামেও কৰিছিল ভাৰত বিৰোধী মন্তব্য। ইয়াৰ পিছতে গ্ৰেপ্তাৰ হ’ল বিধায়ক আমিনুল ইছলাম। ভাৰতৰ সংবিধানৰ শপত খাই বিধায়ক হোৱা আমিনুল ইছলামে কেনেদৰে সাহস কৰিলে পাকিস্তানক সমৰ্থন কৰিবলৈ? এই প্ৰশ্ন মুখ্যমন্ত্ৰী ড৹ হিমন্ত বিশ্ব শৰ্মাক শুধা হৈছিল। ইয়াৰ উত্তৰত মুখ্যমন্ত্ৰীৰ মন্তব্য

‘সাহস ক’ৰ পৰা পায় নাজানো, কিন্তু ভাৰত বিৰোধী মন্তব্য কৰা লোকক কেনেদৰে ঠাণ্ডা কৰিব লাগে আমি জানো। আমিনুল ইছলাম জেলত আছে, কেইদিনমান জেলতে থাকক। ভাৰত বিৰোধী চক্ৰক NSA জাপি দিয়া হ’ব। পাকিস্তান আমাৰ শত্ৰু ৰাষ্ট্ৰ, গতিকে শত্ৰু ৰাষ্ট্ৰৰ দৰেই থাকিব লাগিব। প্ৰত্যক্ষ বা পৰোক্ষ ভাৱেও কোনোবাই পাকিস্তানক সমৰ্থন কৰিলেই অসম চৰকাৰে গ্ৰেপ্তাৰ কৰিব সেই ব্যক্তিক। ইয়াৰ মাজতে মুখ্যমন্ত্ৰীৰ মন্তব্য, ভাৰত বিৰোধী চক্ৰৰ আদৰ্শ বেলেগ, কল্পনাৰ পৃথিৱীত বাসকৰে সেইসকল লোকে।’ আনহাতে, ‘বাওঁপন্থীৰ আদৰ্শ হৈছে, ৰাষ্ট্ৰক দুৰ্বল কৰা আদৰ্শ। অসমক প্ৰয়োজন ৰাষ্ট্ৰবাদী আদৰ্শ।’